Telegram
विजय कुलकर्णी/ परभणी : कर्तव्यात कसुर, बेशिस्त, बेजबाबदार वर्तन, लाचखोरी असे गंभीर आरोप करत आठ पोलिस कर्मचा-यांना जिल्हा पोलिस अधीक्षक जयंत मीना यांनी दि.२ रोजी निलंबित केले आहे.
अवैध व्यवसाय करणा-या व्यावसायिकांशी संबंध साधत स्वतःचा आर्थिक फायदा करून घेणे, अवैध वाळू ठेकेदारांकडून अवैधरित्या पैसे वसूल करणे, जनमानसात पोलिसांची प्रतिमा मलीन करण्याचा प्रयत्न करणा-या आठ पोलिस कर्मचा-यांना पोलिस अधीक्षक श्री.मीना यांनी निलंबित केले. यात कोतवाली पोलिस ठाण्यातील कर्मचारी वैजनाथ आदोडे, मो. मोसीन मो. मोईन, गजानन जंत्रे, नवामोंढा पोलिस ठाण्याचे सूर्यकांत सातपुते, विठ्ठल कटारे, नानलपेठ पोलिस ठाण्यातील सचिन राखोंडे, सतीश कांबळे तसेच कृष्णा शिंदे या कर्मचाऱ्यांचा समावेश आहे.
गैरप्रकारांना आळा घालणे अपेक्षित असतानाही अवैध व्यावसायिकांशी संबंध ठेवत त्यांच्याकडून पैसे वसूल करत अवैध धंद्यांना चालना देण्याचा कसूर या सर्वांनी केला असल्याचेही पोलिस अधीक्षक जयंत मीना यांनी निलंबनाच्या आदेशात नमूद केले आहे. पोलिस अधीक्षकांच्या या कारवाईमुळे पोलिस दलात एकच खळबळ ऊडाली आहे.
