शेतकऱ्यांच्या पैशांवर सरकारचा डोळा-राहुल गांधी

नवी दिल्लीः शेतकरी नवीन कृषी कायदे रद्द करण्यासाठी आंदोलन करत आहेत. यावर काँग्रेस नेते आणि खासदार राहुल गांधी यांनी पुन्हा एकदा नरेंद्र मोदी सरकारवर जोरदार टीका केली आहे. मित्रांच्या कर्जमाफीनंतर आता शेतकऱ्यांच्या पैशांवर मोदी सरकारचा डोळा आहे, असा दावा राहुल गांधी यांनी केला आहे. ट्विटरच्या माध्यमातून राहुल गांधींनी पुन्हा एकदा केंद्र सरकारवर जोरदार निशाणा साधला आहे.

राहुल गांधी यांनी या ट्विटमध्ये सुटा-बुटातील आपल्या मित्रांचे ८,७५,००० कोटी रुपयांचे कर्ज माफ केल्यानंतर आता मोदी सरकारने अन्नदात्यांचा पैसा बळकवण्यास सुरुवात केली आहे, जोपर्यंत नवीन कृषी कायदे रद्द केले जात नाहीत, तोपर्यंत काँग्रेस मागे हटणार नाही, असे आश्वासन राहुल गांधींकडून देण्यात आले होते.