कामगारांनी दिले आयुक्तांना निवेदन

मागण्या मान्य न झाल्यास २४ तारखेपासुन जाणार संपावर...

कामगारांनी दिले आयुक्तांना निवेदन

विजय कुलकर्णी/ परभणी : शहर महानगरपालिका कर्मचाऱ्यांनी त्यांच्या विविध मागण्यांसाठी मनपा आयुक्तांना मंगळवारी निवेदन दिले आहे. मागण्या मान्य न झाल्यास येत्या २४ तारखेपासुन संपावर जाण्याचा ईशाराही दिला आहे.

निवेदनात सातवा वेतन आयोगाचा प्रस्ताव शासनास सादर करावा, महापालिकेतील मंजुर आकृतिबंधातील रिक्त पदांवर शैक्षणीक पात्रतेप्रमाणे कर्मचा-यांचे समावेशन त्वरित करावे, नियमित कर्मचा-यांसह सेवानिवृत्तांच्या कर्मचा-यांचे वेतन दरमहा सात तारखेस करण्यात यावे, थकित राहिलेले वेतन त्वरित देण्यात यावे, यासह अन्य मागण्या त्वरित मान्य कराव्यात अन्यथा २३ फेब्रुवारी रोजी सफाई कामगार व कर्मचारी संघटनेतर्फे एक दिवस धरणे तर २४ फेब्रुवारीपासून सर्व कर्मचारी बेमुदत संप पुकारतील, असे नमुद केले आहे. राज्य नगरपरिषद, नगरपंचायत व संवर्ग कर्मचारी संघटना संलग्नीत परभणी शहर महानगर पालिका सफाई कामगार व कर्मचारी संघटनेचे संस्थापक अध्यक्ष के.के. आंधळे, अध्यक्षा अनुसयाबाई जोगदंड, सचिव के.के. भारसाखळे यांनी मंगळवारी आयुक्त देविदास पवार यांना हे निवेदन सादर केले.

२२ फेब्रुवारीपर्यंत सफाई कामगारींच्या मागण्यांबाबत विचार न केल्यास २३ फेब्रुवारीपासून संघटनेचे पदाधिकारी एक दिवस धरणे आंदोलन करतील व २४ फेब्रुवारीपासून कर्मचारी संप पुकारतील, असा इशाराही आयुक्तांना दिलेल्या निवेदनातून दिला आहे.


Share Tweet Send
0 Comments
Loading...
You've successfully subscribed to Analyser News
Great! Next, complete checkout for full access to Analyser News
Welcome back! You've successfully signed in
Success! Your account is fully activated, you now have access to all content.