मुख्यमंत्री होऊन २२ महिने उलटले तरी तरीही एक बैठक नाही- आ. राणा जगजितसिंह

मुख्यमंत्री होऊन २२ महिने उलटले तरी तरीही एक बैठक नाही-  आ. राणा जगजितसिंह

उस्मानाबाद : भाजपचे आमदार राणा जगजितसिंह पाटील यांनी मुख्यमंत्री उद्धव ठाकरे यांना पुन्हा एकदा पत्र लिहिलं आहे. आ.राणा जगजितसिंह पाटील यांनी पत्राच्या माध्यमातुन उस्मानाबाद जिल्ह्याच्या प्रश्नांना केंद्रस्थानी ठेऊन मुख्यमंत्र्यांवर टीका केली आहे. मुख्यमंत्री होऊन २२ महिने उलटले तरी उस्मानाबाद जिल्ह्याच्या अति महत्वाच्या विषयांकडे ठाकरे सरकारचे अक्षम्य दुर्लक्ष झाले आहे. जिल्ह्यातील विकास कामांबाबत आपण एकही व्यापक बैठक घेतलेली नाही. असं त्यांनी पत्रात म्हटलं आहे.

उस्मानाबाद जिल्ह्याचे अनेक विषय प्रलंबित
शिवसेनेच्या मंत्री महोदयांकडे तांत्रिक कापड निर्मिती प्रकल्प (टेक्निकल टेक्स्टाईल पार्क), सोलापूर - तुळजापूर - उस्मानाबाद रेल्वे मार्ग, तुळजापूर शहराचा 'प्रशाद' योजनेत समावेश करणे, वॉटर ग्रीड, पीक विमा असे अनेक विषय प्रलंबित आहेत.अशी तक्रारही त्यांनी पत्राच्या माध्यमातून मुख्यमंत्र्यांकडे केली आहे.

रजाकारांपासून आम्हाला मुक्ती मिळून आज ७३ वर्षे झाले व या मुक्ती संग्राम दिनी आपल्याला शुभेच्छा देत असताना उस्मानाबाद जिल्ह्यावर होत असेलल्या या घोर अन्यायाची जबाबदारी ठाकरे सरकारवरच असल्याचा घणाघात त्यांनी पत्रातून उद्धव ठाकरे यांच्यावर केला आहे.

जिल्ह्यावर अन्याय होत असल्याची भावना नागरिकांमध्ये निर्माण झालेली आहे. 'आकांक्षीत' जिल्ह्याच्या विकासासाठी केंद्र सकारात्मक असताना आपलेच राज्य सरकार सहकार्य करत नाही ही भावना खूप वेदनादायी असल्याचं राणा जगजितसिंह पाटील यांनी पत्रातून म्हटलं आहे.


Share Tweet Send
0 Comments
Loading...
You've successfully subscribed to Analyser News
Great! Next, complete checkout for full access to Analyser News
Welcome back! You've successfully signed in
Success! Your account is fully activated, you now have access to all content.