भारतात हॉस्पीटल ट्रेन

भरतीय रेल्वेने एक खास ट्रेन सुरू केली आहे. ‘हॉस्पीटल ट्रेन’ ही जगातील पहिली ट्रेन बनवली आहे. अद्याप कुठल्याही देशात अशी सेवा सुरू झालेली नाही. भारतीय रेल्वेने ट्विटर हँडलवर दिलेल्या माहितीनुसार, या ट्रेनला ‘लाईफलाइन एक्स्प्रेस’असे नाव देण्यात आले आहे.

या ट्रेनमध्ये हॉस्पीटलमधील सर्व अत्याधुनिक सेवा,उपकरणे आणि डॉक्टरांची एक टीम तैनात आहे. यात दोन अत्याधुनिक ऑपरेशन थिएटर आणि पाच ऑपरेटिंग टेबलसह इतर सर्व सुविधा आहेत. ही ट्रेन एकूण ७ डब्यांची असून यात चिकित्सकांची टीम तैनात आहे. या विशेष ट्रेनमध्ये आतापर्यंत १ लाख ४६ हजार रुग्णांवर शस्त्रक्रिया करण्यात आली आहे. ट्रेनमध्ये कर्करोग, मोती बिंदू अशा अनेक आजारांवर उपचार केले जातात. ‘लाईफलाइन एक्स्प्रेस’मध्ये रुग्णांचा मोफत उपचार केला जाणार आहे. ‘लाईफलाइन एक्स्प्रेस’ सध्या आसामच्या बदरपूर स्टेशनवर आहे.