राॅबर्ट वाड्रा यांना कोरोनाची लागण

नवी दिल्ली: काँग्रेस महासचिव प्रियंका गांधी यांचे पती राॅबर्ट वाड्रा यांना कोरोनाची लागण झाली आहे. प्रियंका गांधी यांनी व्हिडिओ ट्टिट करत माहिती दिली. तसेच प्रियंका गांधी यांची कोरोना चाचणी निगेटिव्ह आली असुन पुढील काही दिवस डॉक्टरांच्या सल्ल्यानुसार आयसोलेशनमध्ये राहावे लागणार आहे.

प्रियंका गांधी यांनी ट्टिट मध्ये म्हटले की, कोरोना संसर्गाच्या संपर्कात आल्याने मला आसाम विधानसभा निवडणुकीसाठी आयोजित करण्यात आलेल्या प्रचारसभा रद्द कराव्या लागत आहेत. काल माझा कोरोना रिपोर्ट निगेटिव्ह आला आहे. मात्र, डॉक्टरांच्या सल्ल्यानुसार मला काही दिवस आयसोलेशनमध्ये राहावे लागणार आहे. त्यामुळे मला प्रचाराला येता येणार नाही. तरीही काँग्रेसचा विजय होईल अशी मला आशा आहे, असे प्रियंका यांनी ट्विटमध्ये म्हटले आहे.