धक्कादायक..! हातावर राखी बांधलेल्या बहिणीवरचं भावाकडून अत्याचार

औरंगाबाद शहरातील धक्कादायक प्रकार, 'पोक्सो' कायद्यांतर्गत गुन्हा दाखल

धक्कादायक..! हातावर राखी बांधलेल्या बहिणीवरचं भावाकडून अत्याचार

औरंगाबाद : शहरात गुन्हेगारीचे प्रमाण प्रचंड वाढले आहे. काही दिवसांपूर्वी नूर कॉलनीत सख्ख्या भावाने बहिणीवर अत्याचार केल्याची घटना उघडकीस आली होती. त्यानंतर आता पुंडलीकनगर पोलीस स्टेशन हद्दीत देखील अश्याच प्रकारची घटना उघडकीस आली आहे. पोलीस भरतीचे प्रशिक्षण देण्याचा बहाणा करून निराधार असलेल्या १४ वर्षांच्या अल्पवयीन मुलीवर अत्याचार केल्याची घटना ३१ ऑगस्ट रोजी घडली. पीडित मुलीच्या तक्रारीवरून पुंडलिकनगर ठाण्यात 'पोक्सो' कायद्यांतर्गत गुन्हा दाखल करण्यात आला. विशेष म्हणजे अत्याचार करणाऱ्या आरोपीला या पीडितेने २४ ऑगस्ट रोजी राखी बांधली होती. रामदास रामजी प्रसाद उर्फ पल्ल्या दादा (वय.२५) असे आरोपीचे नाव असून पोलीसांनी त्याला अटक केली आहे.

शहरात दोघी बहिणी राहतात मोठी बहीण शहरातील खासगी रुग्णालयात नोकरी करते. यांच्या आईचे ११ वर्षांपूर्वी, तर वडिलांचे ४ वर्षांपूर्वी निधन झाले आहे. त्या दोघींच्या शेजारी चुलते राहतात. मोठ्या बहिणीच्या तीन मित्रांपैकी एक आरोपी रामदास प्रसाद यास दोघींनी भाऊ मानले होते. त्याला २४ ऑगस्ट रोजी दोघींनी राखी बांधली. तेव्हा ओवाळणीसाठी पैसे नसून, १ तारखेपासून लहान बहिणीला पोलीस भरतीचे प्रशिक्षण देतो. तसेच त्यासाठी ट्रॅकसूट आणून देतो, असे आश्वासन देऊन तो निघून गेला. ३१ ऑगस्ट रोजी सकाळी ७ वाजता पीडितेची बहीण ड्युटीवर असताना आरोपी ट्रॅकसूट घेऊन घरी गेला.

त्यास पीडिता नकार देत असताना मोठ्या बहिणीशी बोलणे करून देत तिला प्रशिक्षणासाठी परिसरातील मैदानाकडे घेऊन गेला. मैदानाच्या जवळ आल्यानंतर पाऊस सुरू होताच एका चारचाकी वाहनाला हात करून थांबवत त्यात बसवून तिला पुंडलिकनगर ठाण्याच्या हद्दीमध्ये नेले. त्या ठिकाणी एका रूममध्ये घेऊन जात व्यायाम करण्यास लावला. त्यानंतर काही वेळाने अत्याचार केले असल्याचे पीडितेने तक्रारीत म्हटले आहे. या प्रकरणी पुंडलिकनगर पोलीस निरीक्षक दिलीप गांगुर्डे यांच्यासह तपास अधिकारी उपनिरीक्षक मीरा चव्हाण यांनी मुलीचा इनकॅमेरा जबाब घेत 'पोक्सो' कायद्यान्वये गुन्हा दाखल करीत आरोपीला अटक केली आहे.

आरोपी मुंबईतील रेकॉर्डवरील गुन्हेगार
आरोपी रामदास प्रसाद मुंबईतील रेकॉर्डवरील गुन्हेगार असल्याची माहिती पोलिसांनी मिळाली. तो काही मित्रांसोबत भाड्याने रूम घेऊन राहत होता. त्याच्यावर इतरही गुन्हे दाखल असून, त्याचाही तपास पोलीस सध्या करत आहेत.


Share Tweet Send
0 Comments
Loading...
You've successfully subscribed to Analyser News
Great! Next, complete checkout for full access to Analyser News
Welcome back! You've successfully signed in
Success! Your account is fully activated, you now have access to all content.