आताची शिवसेना बाळासाहेबांची नाही; मुख्यमंत्र्यांना 'क्रांती'कारी सवाल

एका महिलेवरील खासगी हल्ले बाळासाहेबांना पटले असते का?

आताची शिवसेना बाळासाहेबांची नाही; मुख्यमंत्र्यांना 'क्रांती'कारी सवाल

मुंबई- राष्ट्रवादीचे नेते आणि मंत्री नवाब मलिक यांनी समीर वानखेडे आणि कुटुंबियांवर अनेक गंभीर आरोप केले आहेत. गेल्या अनेक दिवसांन पासुन या आरोप प्रत्यारोपांचा खेळ रंगलेला आहे.अशातच महाराष्ट्र सरकारने समीर वानखेडे यांची चौकशी करण्याचे आदेश दिलेले आहेत. तसंच त्यांच्या चौकशीसाठी अधिकाऱ्यांची नावेही घोषित केली आहेत. अशातच आज सकाळी समीर वानखेडेंच्या पत्नी क्रांती यांनी मुख्यमंत्र्यांना एक भावनिक पत्र लिहिलं आहे.हे पत्र त्यांनी ट्विटरवर पोस्ट केलं आहे.यातच शिवसेनेतील आणि ठाकरे सरकार मधील काही नेत्यांनी नवाब मलिक यांनी केलेल्या आरोपांची पाठराखण केली आहे.यामुळे आताची शिवसेना बाळासाहेबांची आहे का? असा सवाल निर्माण होता.

क्रांती रेडकर यांनी पत्रात म्हंटल आहे की
“माननीय उद्धव ठाकरे साहेब, लहानपणा पासून मराठी माणसाच्या न्याय्य हक्कासाठी लढणारी शिवसेना पाहत लहानाची मोठी झालेली मी एक मराठी मुलगी आहे.. छत्रपती शिवाजी महाराज आणि हिंदुहृदयसम्राट बाळासाहेब ठाकरे ह्यांचा आदर्श घेऊनच मी वाढले.. कुणावर अन्याय करू नये आणि आपल्यावर होणारा अन्याय सहन तर मुळीच करू नये हे त्या दोघांनी शिकवलं.. तोच धडा गिरवत आज मी एकटीने माझ्या खाजगी जीवनावर हल्ला करणाऱ्या उपद्रवी लोकांविरोधात ठामपणे उभी आहे.. लढते आहे..”

“सोशल मीडिया, त्यावरचे लोक फक्त मजा बघतायत.. मी एक कलाकार आहे.. राजनीती मला कळत नाही.. आणि मला त्यात पडायचं सुद्धा नाही.. आमचा काहीही संबंध नसताना रोज़ सकाळी आमच्या अब्रूची लख्तरं चार चौघात उधळली जातात.. शिवरायांच्या राज्यात एका स्त्रीच्या गरिमेचा खेळ करून ठेवला आहे. विनोद करून ठेवला आहे..”

“आज बाळासाहेब असते तर त्यांना हे नक्कीच पटलं नसतं.. एका महिलेवर आणि तिच्या परिवारावर होणारे खाजगी हल्ले हे राजारणाचं किती नीच स्वरूप आहे हे नेहमीच त्यांच्या विचारातून आमच्या पर्यंत पोहोचलेलं आहे.. आज ते नाही पण तुम्ही आहात.. त्यांची सावली त्यांची प्रतिमा आम्ही तुमच्यात बघतो.. तुम्ही आमचे नेतृत्व करत आहात आणि तुमच्यावर माझा पूर्ण विश्वास आहे. तुम्हीं कधीच माझ्यावर व माझ्या कुटुंबावर अन्याय होऊ देणार नाही ह्याचि मला खात्री आहे.. म्हणून एक मराठी माणूस म्हणून आज मी तुमच्याकडे न्यायाच्या अपेक्षेने पाहतेय.. तुम्ही योग्य तो न्याय करा अशी विनंती.”

आपली बहिण,

क्रांती रेडकर

राष्ट्रवादीचे नेते आणि मंत्री नवाब मलिक यांनी समीर वानखेडे आणि कुटुंबियांवर अनेक गंभीर आरोप केले आहेत. गेले अनेक दिवस या आरोप प्रत्यारोपांचा खेळ रंगलेला आहे.अशातच महाराष्ट्र सरकारने समीर वानखेडे यांची चौकशी करण्याचे आदेश दिलेले आहेत. तसंच त्यांच्या चौकशीसाठी अधिकाऱ्यांची नावेही घोषित केली आहेत. अशातच आज सकाळी क्रांतीने मुख्यमंत्र्यांना एक भावनिक पत्र लिहिलं आहे.हे पत्र त्यांनी ट्विटरवर पोस्ट केलं आहे.


Share Tweet Send
0 Comments
Loading...
You've successfully subscribed to Analyser News
Great! Next, complete checkout for full access to Analyser News
Welcome back! You've successfully signed in
Success! Your account is fully activated, you now have access to all content.