नवाब मलिकांना वाचवण्याची सरकारची भूमिका दुर्दैवी : फडणवीस

नागपूर-  अल्पसंख्यांक मंत्री नवाब मलिक यांना न्यायालयाने ३ मार्च पर्यंत कोठडी सुनावली आहे. त्यानंतर राज्याचे विरोधी पक्षनेते देवेंद्र फडणवीस यांनी पत्रकार परिषद घेत नवाब मलिकांना वाचवण्यासाठी सरकार प्रयत्न करत हे अत्यंत दुर्दैवी आहे. त्यांचे संबंध दाऊदशी असल्याने एका देशद्रोही व्यक्तशी संबंध ठेवणाऱ्या मंत्र्याला सरकार वाचवत आहे. त्यामुळे हे सर्व प्रकरण दुर्दैवी आहे.  कुठल्याही राजकीय पक्षाने ‘टेरर फंडिंग’चा निषेध केला पाहिजे. सर्वांनी एकत्र दाऊदविरोधात भूमिका मांडली पाहिजे. तसेच माझ्याकडे जी कागदपत्र होती ती मी ईडी आणि एनआयएला दिली आहेत. असेही फडणवीस म्हणाले आहेत. देशात यामुळे अतिशय चुकीचा संदेश जाईल की दाऊदशी व्यवहार करणाऱ्याला सरकार वाचवतंय, असे फडणवीस म्हणाले.

माझ्याकडे जितके पुरावे होते, ते मी सर्व यंत्रणांना दिले होते.
मंत्र्यांचा राजीनामा घेणार नसतील, तर राजकारणाचा स्तर खालावेल.
देशाच्या शत्रूला मदत करणारे मंत्रिमंडळात राहतात, पूर्ण सरकार त्याच्या पाठिशी उभे राहते, याचा देशात संदेश चांगला जाणार नाही: देवेंद्र फडणवीस @Dev_Fadnavis

— @OfficeOfDevendra (@Devendra_Office) February 23, 2022