वैशाख महिन्यातील शुक्ल पक्षाच्या सातव्या दिवशी गंगा सप्तमी साजरी केली जाते. जी यावेळी ८ मे रविवार रोजी आहे. या दिवशी गंगास्नान, व्रत-पूजा आणि दानधर्माला विशेष महत्त्व आहे. ज्यांना काही कारणास्तव या दिवशी गंगेत स्नान करणे शक्य नसेल त्यांनी घरीच गंगाजल पाण्यात मिसळून स्नान करावे. असे केल्याने तीर्थयात्रा केल्याचे पुण्य प्राप्त होते. त्याचबरोबर या दिवशी पाण्याने भरलेले भांडे दान केल्याने कधीही न संपणारे पुण्य प्राप्त होते.
या तिथीला गंगा पुन्हा प्रकट झाली होती
पुरीचे ज्योतिषाचार्य डॉ. गणेश मिश्र सांगतात की, महर्षी जह्नू तपश्चर्या करत असताना गंगा नदीच्या पाण्याच्या वजने त्यांचे लक्ष पुन्हा पुन्हा विचलित होत होते. त्यामुळे संतापून त्यांनी आपल्या तपाच्या बळावर गंगा नदीला पिऊन घेतले. परंतु त्यांनी आपल्या उजव्या कानातून गंगा नदीला पृथ्वीवर सोडले. म्हणूनच हा दिवस गंगा प्रकट झाल्याचा दिवस मानला जातो. तेव्हापासून गंगेचे नाव जान्हवी पडले.
श्रीमद्भागवतमध्ये गंगा
श्रीमद भागवत महापुराणात गंगेचा महिमा सांगताना शुकदेवजी राजा परीक्षितांना सांगतात की, गंगेच्या पाण्यात शरीराची राख मिसळून जेव्हा राजा सगराच्या पुत्रांना मोक्ष मिळाला होता तेव्हा गंगेच्या पाण्याचे काही थेंब प्यायल्याने आणि गंगेत स्नान केल्याने किती पुण्य मिळेल याची कल्पनाही केली जाऊ शकत नाही. यामुळे वैशाख मासातील शुक्ल पक्षातील सप्तमी तिथीला गंगास्नानमी अन्न आणि वस्त्रदान, जप-तप तसेच उपवास केल्यास सर्व प्रकारची पापे दूर होतात.