पेट्रोल-डिझेल आज स्वस्त झालं की महाग? चेक करा नवे दर

मुंबई : सरकारी तेल कंपन्यांनी पेट्रोल आणि डिझेलचे नवे दर जाहीर केले आहेत. आज सकाळी ६ वाजता तेल कंपन्यांनी इंधानाच्या बदल केलेला नाही. केंद्राकडून पेट्रोल आणि डिझेलवर लावण्यात येणाऱ्या अबकारी करात कपात केल्याने पेट्रोल ८ रुपये आणि डिझेलच्या दरात ६ रुपयांची कपात करण्यात आली आहे. त्यामुळे महागाईत भरडल्या जाणाऱ्या जनतेला दिलासा मिळत आहे.

जवळपास गेल्या दिड महिन्यापासून देशात पेट्रोल-डिझेलच्या किमतींमध्ये कोणताही बदल करण्यात आलेला नाही. आंतरराष्ट्रीय बाजारात कच्च्या तेलाच्या किमतींमध्ये सातत्याने सुरू असलेला चढ-उतार आणि डॉलरच्या तुलनेत रुपयांची होणारी घसरण यामुळे इंधन दरवाढीची टांगती तलवार ग्राहकांच्या डोक्यावर आहे.

कच्च्या तेलाचे आजचे दर काय?

आंतरराष्ट्रीय बाजारात कच्च्या तेलाच्या किमतींमध्ये सातत्यानं चढ-उतार पाहायला मिळत आहेत. कच्च्या तेलाच्या किमती कालच १००डॉलर प्रति बॅरल खाली आल्या होत्या. आजही यामध्ये मोठी घट झाल्याचं पाहायला मिळत आहे. डबल्यूटीआई क्रूड १.०२ डॉलरच्या पडझडीनंतर ९४.८२ डॉलर प्रति बॅरलवर पोहोचलं आहे. तर ब्रेंट क्रूड ९८.६० डॉलर प्रति बॅरलवर पोहोचलं आहे.

राज्यातील प्रमुख शहरांतील दर

मुंबई – पेट्रोल १११.३५ रुपये प्रति लीटर आणि डिझेल ९७.२८ रुपये प्रति लीटर.

पुणे – पेट्रोल १११.१० रुपये प्रति लीटर आणि डिझेल ९५ .५८ रुपये प्रति लीटर

ठाणे- पेट्रोल ११०.७८ रुपये प्रति लीटर आणि डिझेल ९५.२५ रुपये प्रति लीटर

नाशिक- पेट्रोल १११.२२ रुपये प्रति लीटर आणि डिझेल ९५.७० रुपये प्रति लीटर

नागपूर- पेट्रोल १११.६५ रुपये प्रति लीटर आणि डिझेल ९६ .१४ रुपये प्रति लीटर

औरंगाबाद- पेट्रोल १११ .७० रुपये प्रति लीटर आणि डिझेल ९६.१६ रुपये प्रति लीटर

पेट्रोल डिझेलचे दर अशा प्रकरे तपासा

इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.

इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.

पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून ९२२४९९९२२४९ या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल.

Share