ठेवीदारांचे पैसे परत करण्यासाठी कालबद्ध योजना तयार करा – मुख्यमंत्री एकनाथ शिंदे

ठेवीदारांची सुमारे ६११ कोटी रुपयांपेक्षा अधिक रकमेची देणी असून हे सगळे गरिबांचे पैसे आहेत, ते त्यांना मिळालेच पाहिजेत, त्यासाठी जप्त मालमत्तांचा लिलाव करा, वसूली करा आणि हे पैसे परत करा, अशा स्पष्ट सूचना मुख्यमंत्र्यांनी या वेळी दिल्या. सिडकोने या जप्त मालमत्तांचे मूल्यांकन तातडीने करण्याची प्रक्रिया सुरु करण्याचे निर्देश मुख्यमंत्र्यांनी सिडकोचे व्यवस्थापकीय संचालक डॉ. संजय मुखर्जी यांना दूरध्वनीवरून दिले.

पेण अर्बन को-ऑपरेटिव्ह बॅंकेतील ठेवीदार-खातेदार संघर्ष समितीच्या मागण्यांबाबत मुख्यमंत्री @mieknathshinde यांच्या अध्यक्षतेखाली आयोजित बैठकीत चर्चा करण्यात आली. बंदरे व खनिकर्म मंत्री दादाजी भुसे, आमदार महेंद्र थोरवे, अपर मुख्य सचिव डॉ. नितीन करीर आणि अनुपकुमार आदी उपस्थित होते. pic.twitter.com/pxAd9uRgD8

— CMO Maharashtra (@CMOMaharashtra) December 7, 2022

सक्तवसुली संचालनालयाने जप्त केलेल्या मालमत्तांच्या ७/१२ उताऱ्यांच्या इतर हक्कामध्ये मालमत्तेची विक्री व हस्त्तांतरण करण्यात येऊ नये असा शेरा नोंदविला आहे, यामुळे मालमत्तांच्या विक्रीला अडचण येत असून हा शेरा मागे घेण्यासाठी संपूर्ण सहकार्य केले जाईल, असे सक्तवसुली संचालनालयाच्या अधिकाऱ्यांनी या वेळी स्पष्ट केले.