आदिवासींच्या विकासासाठी ११ हजार १९९ कोटींची तरतूद – मुख्यमंत्री एकनाथ शिंदे

मुख्यमंत्री शिंदे म्हणाले,राज्यातील आदिवासी समाजाच्या विकासासाठी कालबद्ध कार्यक्रम आखून त्यांना मुख्य प्रवाहात आणण्यासाठी शासन कटीबद्ध आहे.आदिवासी समाजासाठी अर्थसंकल्पात भरघोस निधीची तरतूद केली आहे.राज्यातील विकास कामांना गती व चालना देण्याचे काम हे सरकार करीत आहे. हे सरकार आदिवासी,शेतकरी,कष्टकरी,कामगार,वंचित-शोषित अशा सगळ्यांच्या सर्वांगीण विकासासाठी प्रयत्नशील आहे. सर्व समाजाच्या सर्वांगीण विकासासाठी गत ४ महिन्यात ४०० पेक्षा अधिक शासन निर्णय काढले आहेत.

नंदुरबार हा आदिवासी बहुल जिल्हा असल्याने त्याला विकासाच्या मुख्य प्रवाहात आणण्यासाठी शासन कटिबद्ध असल्याची ग्वाही यावेळी बोलताना दिली. आदिवासींच्या विविध विकास योजनांच्या अंमलबजावणीकरिता ११ हजार १९९ कोटींची तरतूद केली असल्याचे यासमयी स्पष्ट केले.

— Eknath Shinde – एकनाथ शिंदे (@mieknathshinde) October 29, 2022

राज्यातील तरुणांना रोजगार देण्यासाठी राज्यात मोठे उद्योगधंदे येण्याकरिता शासन प्रयत्नशील आहे.नंदुरबार शहरातील रस्ते,पथदिवे,पाणीपुरवठा तसेच विविध विकासकामांसाठी नगरोत्थान योजनेतून निधी उपलब्ध करुन देण्यात येईल. तसेच नवापूर मधील १३२ के.व्ही विद्युत उपकेंद्रासाठी एमआयडीसीमध्ये जागा उपलब्ध करुन देण्यात येईल. नंदुरबार नगर परिषदेची नूतन इमारत अतिशय सुंदर आणि सुसज्ज असून नागरिकांना त्याचा लाभ होईल, असा विश्वास यावेळी शिंदे यांनी व्यक्त केला.