समजा, वंदे मातरम् म्हटलं नाही तर गोळ्या घालणार की फासावर लटकवणार?

मुंबई : महात्मा गांधी यांच्या जयंतीनिमित्त कालपासून राज्यात ‘हॅलो नव्हे- वंदे मातरम्’ अभियानाचा शुभारंभ करण्यात आला. या अभियानांतर्गत आता सर्व सरकारी अधिकारी आणि कर्मचाऱ्यांना फोनवर बोलण्यास सुरुवात करण्यापूर्वी हॅलो ऐवजी वंदे मातरम् म्हणावं लागणार आहे. सरकारच्या या निर्णयावर एमआयएम नेते वारिस पठाण यांनी निशाणा साधला आहे.

एमआयएम नेते वारिस पठाण म्हणाले की, भाजपजवळ काही मुद्देच शिल्लक राहिलेले नाहीत. कधी शहरांची नावं बदलायची तर कधी वंदे मातरम म्हणायला लावायचं. पण ही सगळी बेरोजगारी म्हणजे केवळ महागाईवरून लक्ष वळवण्याचे नाटकं आहेत. या निर्णयामुळे बेरोजगारी दुर होणार आहे का? महागाई कमी होणार आहे का? शेतकऱ्यांच्या आत्महत्या थांबणार आहेत का?

राष्ट्रपिता महात्मा गांधी यांच्या जयंतीनिमित्त राज्यभरात 'हॅलो नव्हे- वंदे मातरम्' अभियानाचा शुभारंभ वर्धा येथून होत आहे. यासाठी जनतेला आवाहन करणारे परिपत्रक प्रसिद्ध करण्यात आले आहे. हे अभियान यशस्वी करण्याचा निर्धार सांस्कृतिक कार्य मंत्री @SMungantiwar यांनी व्यक्त केला आहे. pic.twitter.com/DmsssrEEe9

— MAHARASHTRA DGIPR (@MahaDGIPR) October 1, 2022

अभियानाची सुरुवात पण हे कोणत्या दिवशी करत आहेत, तर महात्मा गांधी यांच्या जयंतीदिवशी. जे महात्मा गांधी फादर ऑफ नेशन आहेत, त्यांना नथुराम गोडसेने मारले. तो देशाचा पहिला दहशतवादी होता, त्याची तर हे सगळे पुजा करतात. गोडसे मुर्दाबाद हे तर त्यांच्या तोंडून कधी येणार नाही. फक्त अशा काही तरी मुद्द्यांवर लक्ष बाजूला करायचं आणि द्वेषाचे पसरवायचा हेच यांचे राजकारण आहे, असा हल्लाबोल पठाण यांनी केला.

महाराष्ट्र में अब “हैलो “की जगह बोला जाएगा 'वंदे मातरम', शिंदे सरकार ने जारी किया आदेश.
सुनिए इसपर Aimim के प्रवक्ता @warispathan का reply। pic.twitter.com/JYNW0871nK

— Waris Pathan (@warispathan) October 2, 2022