एकदा काय ते होऊनच जाऊ दे…मनसेकडून पुण्यातील सभेचं टीझर रिलीज

मुंबई : मुंबई, ठाणे, ओरंगाबाद नंतर आता मनसे अध्यक्ष राज ठाकरे यांची पुण्यात जाहीर सभा होणार आहे. पुण्यातील गणेश क्रीडा मंच येथे २२ मे रोजी सकाळी १० वाजता सभा होणार असल्याची माहिती मनसेने दिली आहे. राज ठाकरेंचा अयोध्या दौरा स्थगित झाल्यानंतर आणि पुण्यातली सभा रद्द झाल्यानंतर रविवारच्या मेळाव्याकडे मनसैनिक आशेनं बघतायत. या मेळाव्यासाठी जय्यत तयारी मनसैनिकांकडून करण्यात येत आहे. त्या पार्श्वभूमीवर पुण्यात होणाऱ्या राज ठाकरेंच्या सभेचा टिझर मनसेकडून प्रदर्शित करण्यात आला आहे.

टिझरमध्ये राज ठाकरेंच्या सुरुवातीला औरंगाबादच्या सभेतील एकदा काय ते होऊनच जाऊ दे… हे वाक्य घेण्यात आले आहे. तर टिझरमध्ये छत्रपती शिवाजी महाराजांचे गाणही वाजत आहे. या टीझरवरून पुण्यातील सभा जोरदार होणार असल्याची चिन्हे दिसू लागली आहेत. त्या अनुषंगाने मनसेचे पुण्यातील सर्व पदाधिकारी जोमाने कामाला लागले आहेत.

"एकदा काय ते होऊनच जाऊ दे…" मनसेकडून पुण्यातील सभेचं टीझर रिलीज
#RajThackeray #MNS #Pune pic.twitter.com/MUiI2G84M4

— Rahul Maknikar (@maknikar09) May 20, 2022