मुंबई : राज्याची ग्रामीण आरोग्य यंत्रणा बळकट करण्यासाठी आमचे सर्वोच्च प्राधान्य असून आरोग्य क्षेत्रासाठी दुप्पट निधी देण्यार असल्याची ग्वाही राज्याचे मुख्यमंत्री एकनाथ शिंदे यांनी दिली आहे. राज्यातील प्रत्येक जिल्ह्यांमध्ये वैद्यकीय महाविद्यालय सुरु करणे, राज्यभर सुमारे ७०० ‘बाळासाहेब ठाकरे आपला दवाखाना’ सुरू करणे, बाल आरोग्यावर विशेष लक्ष केंद्रीत करणार असल्याचे मुख्यमंत्र्यांनी सांगितले. मुख्यमंत्र्यांनी एका वृत्तवाहिनीच्या कार्यक्रमात बोलताना ही माहिती दिली.
मुंबईत २२७ ठिकाणी ‘बाळासाहेब ठाकरे आपला दवाखाना’
मुख्यमंत्री एकनाथ शिंदे यावेळी म्हणाले की, महाराष्ट्राच्या ग्रामीण भागात आरोग्य यंत्रणेचे जाळे मजबूत करण्यावर भर दिला जात आहे. राज्यात सुमारे ७०० ठिकाणी बाळासाहेब ठाकरे आपला दवाखाना सुरु करण्यात येणार असल्याचे मुख्यमंत्र्यांनी यावेळी सांगितले. आपला दवाखान्याच्या माध्यामातून नागरिकांना घराजवळ आरोग्य सुविधा देण्याचा प्रयत्न असल्याचे सांगतानाच मुंबईत २२७ ठिकाणी असे दवाखाने सुरु करण्यात येणार असून त्यापैकी ५० दवाखाने २ ऑक्टोबरपासून सुरु झाल्याचे मुख्यमंत्र्यांनी सांगितले.
@ndtv वृत्तसमूहाच्या वतीने आयोजित ‘ बनेगा स्वस्थ इंडिया ‘ कार्यक्रमाला उपस्थित राहून राज्यातील नागरिकांचे आरोग्य अधिक बळकट व्हावे याकरिता सरकारच्या वतीने घेण्यात येणाऱ्या विविध उपाययोजनांची याप्रसंगी माहिती दिली. कार्यक्रमाचे सूत्रसंचालन अभिनेते @SrBachchan यांनी पार पाडली. pic.twitter.com/2LISPDZZjD
— Eknath Shinde – एकनाथ शिंदे (@mieknathshinde) October 2, 2022
प्रत्येक जिल्ह्यात वैद्यकीय महाविद्याल
प्राथमिक आरोग्य केंद्र, उपकेंद्र आणि ग्रामीण रुग्णालयांच्या बळकटीकरण्यासाठी आरोग्य संस्थाचे श्रेणीवर्धन करण्यात येणार आहे. जेणे करून ग्रामीण भागातील नागरिकांना जर्जेदार आरोग्य सुविधा त्यांना स्थानिक पातळीवरच मिळू शकेल. सामान्य माणूस केंद्रबिंदू ठेऊन आरोग्य संस्थाचे सक्षमीकरण केले जात आहे. प्रत्येक जिल्ह्यांमध्ये वैद्यकीय महाविद्यालय सुरु करण्यात येणार आहेत. आरोग्य क्षेत्रसाठी निधीची कमतरता भासणार नाही. त्यासाठी दुप्पट निधी दिला जाईल, असेही मुख्यमंत्र्यांनी यावेळी सांगितले. खासगी संस्थांच्या मदतीने आरोग्याच्या पायाभूत सुविधांचे बळकटीकरण करण्यावर भर दिला जाणार असल्याचे त्यांनी सांगितले.
कॅथलॅब देखील सुरु करणार
राज्यात कॅथलॅब देखील सुरु करण्याचा निर्णय घेण्यात आला आहे. ज्या भागातील आरोग्य संस्थाचे काम ८० ते ९० टक्के पूर्ण झाले आहे तेथे निधी उपलब्ध करून ते काम १०० टक्के पूर्ण करण्यासाठी आणि नागारिकांना आरोग्य सुविधा उपलब्ध करून देण्यासाठी प्राधान्य दिले जात आहे. ग्रामीण भागातील आरोग्याच्या क्षेत्रात आशा स्वयंसेविकांचे योगदान महत्त्वाचे आहे. कोरोना काळतही त्यांनी उल्लेखनीय काम केले आहे. त्यांना अधिक सुविधा उपलब्ध करून देण्यासाठी राज्य शासन प्रयत्न करेल, असेही मुख्यमंत्र्यांनी यावेळी सांगितले. वैद्यकीय महाविद्यालयांच्या माध्यमातून पुरेशा प्रमाणात डॉक्टर, नर्स यांची उपलब्धता होईल. वैद्यकीय महाविद्यालयातील विद्यार्थ्यांना ग्रामीण भागात काम करण्यासाठी प्रोत्साहन दिले जाईल, असेही त्यांनी सांगितले.