देवेंद्र फडणवीस यांची सागर बंगल्यावर चौकशी सुरु

दरम्यान, त्याआधी फडणवीस यांच्या घरी भाजप नेतेही पोहोचले होते. प्रसाद लाड, नितेश राणे हेसुद्धा उपस्थित होते. प्रवीण दरेकर यांनी फडवीसांना आलेल्या नोटिसीसंदर्भात बोलताना सांगितलं की, फोन टॅपिंग प्रकरणी आज सायबर क्राईमचे अधिकारी विरोधी पक्ष नेते देवेंद्र फडणवीस यांचा जबाब नोंदवण्यासाठी त्यांच्या घरी येत आहेत. आधी त्यांना जवाब नोंदवण्यासाठी बिकेसी येथे बोलावले होते. मात्र भाजप आक्रमक झाल्याने आज पोलीस स्वतः त्यांच्या घरी येत आहेत. मात्र हे सरकार बिथरले असून, त्यांना आपण काय करतोय हे कळत नाही असंही दरेकर यांनी म्हटलं होतं.